தரம் 6 முதல் க.பொ.த சாதாரண தரம் வரையான கணிதம் கற்றல் கற்பித்தலை இலகுபடுத்தும் பொருட்டு கணிதம் தொடர்பான விளக்கங்கள் அடங்கிய வீடியோத் தொகுப்பை வெளியிடும் நிகழ்வு இன்று தேசிய கல்வி நிறுவகத்தின் கேட்போர் கூடத்தில் நடைபெற்றது.
தேசிய கல்வி நிறுவகத்தின் கணிதத் துறை ஏற்பாடு செய்த இந்நிகழ்வில் தரம் 10,11 ஆகியவற்றிக்கானபாட உள்ளடக்கத்திற்கான வீடியோக்களை இணையத்தளம் இன்றி சீடியில் பார்க்கும் வகையில் ஒழுங்குபடுத்தி இந்தத் தொகுப்பு வெளியிடப்பட்டுள்ளது.
இன்று நடைபெற்ற வைபவத்தில் ஒவ்வொரு மாகாணத்திலிருந்தும் வருகை தந்த அதிகாரிகளுக்கு குறித்த சீடீக்கள் வினியோகிக்கப்பட்டுள்ளன.
மாகாண கல்வி அதிகாரிகள் வலயங்களுக்கும் பாடசாலைகளுக்கும் இவற்றை வழங்குவதற்கு நடவடிக்கை மேற்கொள்ள உள்ளனர்.
மிக விரைவில் இந்த வீடியோக்களின் இணைப்புக்கள் அனைத்தும் தேசிய கல்வி நிறுவகத்தின் இணையத்தளத்தில் பதிவேற்றம் செய்யப்படும் என கணிதத் துறையின் அதிகாரி ஒருவர் தெரிவித்தார்.
