ஆசிரியர்கள் அதிபர்கள் வேலை நிறுத்த அறிவிப்பு

ஏப்ரல் 25 ஆம் திகதி ஆசிரியர்களும் அதிபர்களும் வேலை நிறுத்தம் மேற்கொள்ள உள்ளதாக, ஆசிரியர் அதிபர் தொழிற்சங்க கூட்டமைப்பு கல்வி அமைச்சுக்கு எழுத்து மூலம் அறிவித்துள்ளது.

நாட்டில் ஏற்பட்டுள்ள நெருக்கடி மற்றும் எரிபொருள் பற்றாக்குறை, எரிபொருள் விலை உயர்வு ஆகியவற்றைக் கருத்திற்கொண்டு ஆசிரியர்களை அருகிலுள்ள பாடசாலையில் கடமையாற்ற அனுமதிக்குமாறு அல்லது வேறு பொருத்தமான மாற்று வழியை அறிவிக்குமாறு விடுக்கப்பட்ட கோரிக்கையை கல்வி அமைச்சு மறுத்துள்ளது.

எனவே ஆசிரியர்கள் அதிபர்கள் மற்றும் மாணவர்கள் எதிர்கொள்ளும் போக்குவரத்து பிரச்சினைக்கு உரிய மாற்றுத் தீர்வை வழங்க வலியுறுத்தி எதிர்வரும் 25 ஆம் திகதி பணி பகிஷ்கரிப்பில் ஆசிரியர்கள், அதிபர்கள், ஆசிரிய ஆலோசகர்கள் ஈடுபடவுள்ளதாக தொழிற்சங்க கூட்டமைப்பு கல்வி அமைச்சுக்கு அறிவித்துள்ளது.