கண்டி உயர் பெண்கள் கல்லூரியின் மாணவிகள் தமிழ், சிங்களம் மற்றும் ஆங்கில மொழிகளில் எழுதிய 500 நூல்களின் வெளியீடும் கண்காட்சியும் எதிர்வரும் 27 ஆம் திகதி காலை 9.00 மணி முதல் இடம்பெறவுள்ளதாக கல்லூரியின் அதிபர் திருமதி எம். அபேகுணவர்த்தன தெரிவித்துள்ளார்.
பிபன குசும் 2019 ‘පිපෙන කුසුම් 2019’ மலரும் மொட்டுக்கள் 2019 என்ற தலைப்பின் கீழ் நடைபெறவுள்ள இவ்வைபவத்தின் சிறப்பு அதிதியாக பேராதனைப் பல்கலைக்கழகத்தின் சிங்கள பிரிவில் கடமையாற்றிய பேராசிரியரும் எழுத்தாளருமான திருமதி பியசீலி விஜேமான்ன கலந்துகொள்ளவுள்ளார்.
சிறுகதை, நாவல், பாடல்கள், கட்டுரைகள் என பல இலக்கிய வடிவங்கள் அடங்கிய 500 நூல்கள் அச்சிடப்பட்டுள்ளன. அவை வெளியிட்டு வைக்கப்படவுள்ளதோடு கல்லூரியின் ஆசிரியர் குழாம் எழுதிய நூல்கள் பலவும் வெளியிடப்படவுள்ளமை குறிப்பிடத்தக்கது.
