மட்டக்களப்பு தேசிய கல்விக் கல்லூரிக்கு இரு உப பீடாதிபதிகள் பீடாதிபதி திரு.கணேசரெத்தினம் அவர்களால் நியமிக்கப்பட்டுள்ளனர்.
கல்வியும் தரமேம்பாடு உப பீடாதிபதியாக திருமதி.வி.மணிவண்ணன் அவர்கள் நியமிக்கப்பட்டுள்ளார். இலங்கை ஆசிரியர் கல்வியியலாளர் சேவை முதலாம் வகுப்பு உத்தியோகத்தரான இவர் கடந்த 23 வருட காலமாக விரிவுரையாளராக, சிரேஸ்ட விரிவுரையாளராக, உப பீடாதிபதி( கல்வியும் தர மேம்பாட்டும்),உப பீடாதிபதி (நிதியும் நிர்வாகமும்),உப பீடாதிபதி (தொடருறு கல்வி) என பல்வேறு பதவிகளை அலங்கரித்து கல்லூரியின் வளர்ச்சிக்காக அரும்பாடுபட்டவர் என்பது குறிப்பிடத்தக்கது.
தொடருறுகல்விக்குரிய உப பீடாதிபதியாக திருமதி.த.சுந்தரராஜன் அவர்கள் நியமிக்கப்பட்டுள்ளார். இவர் இலங்கை ஆசிரியர் கல்வியியலாளர் சேவை இரண்டாம் வகுப்பு உத்தியோகத்தராவார். இவரும் இதற்கு முன்னர் விரிவுரையாளராக, இணைப்பாளராக, தொடருறு கல்விக்குரிய உப பீடாதிபதியாக பல பதவிகளை அலங்கரித்திருந்தவர் என்பது குறிப்பிடத்தக்கது
