நாட்டின் தேசிய மற்றும் மாகாண பாடசாலைகளில் ஆங்கில ஆசிரிய
வெற்றிடங்களுக்கு இலங்கை ஆசிரியர் சேவையின் 3ஆம் வகுப்பின் I (இ) தரத்திற்கு இணைத்துக் கொள்வதற்கான திறந்த போட்டிப் பரீட்சை – 2021 க்கான இணையவழி விண்ணப்பங்கள் நாளை (15) ஆம் திகதி பிரசுரிக்கப்படும்.
மேற்படி இணைத்துக் கொள்வதற்கான போட்டிப் பரீட்சையை துரிதமாக நடாத்த வேண்டியதன் தேவைப்பாட்டின் அடிப்படையில் இணையவழி மூலமாக பரீட்சைக்கான விண்ணப்பங்களை பெற்றுக் கொள்வதற்கு தீர்மானிக்கப்பட்டுள்ள காரணத்தால் தற்போது பிரசித்தப்படுத்தப்பட்டுள்ள மேற்படி இணைத்துக் கொள்வது தொடர்பிலான வர்த்தமானி அறிவித்தலை தற்காலிகமாக இடைநிறுத்துவதற்கு தீர்மானிக்கப்பட்டுள்ளது.
அதன் படி 2021.03.15 ஆம் திகதி தொடக்கம் பரீட்சைக்கான விண்ணப்பங்களை சமர்ப்பிக்கும் செயற்பாட்டினை இணையவழி மூலமாக மாத்திரம் மேற்கொள்வதற்கான வசதிகள் வழங்கப்படும்
ஏற்கனவே மேற்படி பரீட்சைக்கான கட்டணம் செலுத்தப்பட்டிருப்பின் மீண்டும் இணையவழி மூலமாக பரீட்சைக்கான விண்ணப்பங்களை சமர்ப்பிக்க வேண்டிய அவசியம் இல்லையென்பதுடன் அந்த விண்ணப்பதாரர்கள் மாத்திரம் பதிவுத் தபாலில் தமது விண்ணப்பங்களை சமர்ப்பித்தல் வேண்டும்
தமிழ் அறிவித்தலில் 11.03.2021 முதல் இணையவழி விண்ணப்பம் சமர்ப்பிக்க வசதி செய்யப்படும் என்று குறிப்பிடப்பட்டிருந்தாலும் கூட, சிங்கள மொழி அறிவித்தலில் 15.03.2021 ஆம் திகதி முதல் ஒன்லைன் விண்ணப்பங்கள் பிரசுரிக்கப்படும் என அறிவிக்கப்பட்டுள்ளமை குறிப்பிடத்தக்கது.
