தேசிய கல்வியியல் கல்லூரிகளுக்கான புதிய மாணவர் உள்ளீர்ப்பு வைபவம் எதிர்வரும் 25 ஆம் திகதி நடைபெறாது என அறிவிக்கப்பட்டுள்ளது.
இரண்டவாது நேர்முகப் பரீட்சை இன்று தேசிய கல்வியியல் கல்லூரிகளில் நடைபெற்றது. எனினும் தெரிவு செய்யப்பட்ட மாணவர்வள் பலர் இரண்டாவது நேர்முகத் தேர்வுக்கு சமூகமளித்திருக்க வில்லை என கல்லூரி வட்டாரங்கள் உறுதிப்படுத்தியுள்ளன.
ஒழுங்கு முறையின்றி அவரசர அவரசமாக எந்த வித முன்னேற்பாடும் இன்றி கல்லூரி உள்ளீர்ப்பு செயன்முறை தொடர்பாக பல்வேறு விமர்சனங்கள் எழுந்துள்ளன.
இந்நிலையில் ஏற்கனவே திட்டமிட்டு அறிவிக்கப்பட்டது போல் எதிர்வரும் 25 ஆம் திகதி உள்ளீர்ப்பு வைபவம் நடைபெறாது என்றும் உள்ளீர்ப்பு நிகழ்வுகள் தொடர்பான தீர்மானிக்கும் பொறுப்பு குறிப்பிட்ட கல்வியியல் கல்லூரிகளுக்கு வழங்கப்பட்டுள்ளதாக தெரியவருகிறது.
இதனடிப்படையில்
அட்டாளைச்சேனை மற்றும் மட்டக்களப்பு கல்வியியல் கல்லூரிகளின் உள்ளீர்ப்பு ஒக்டோபர் 3 ஆம் திகதியும் தர்காநகர் கல்வியியல் கல்லூரியின் உள்ளீர்ப்பு ஒக்டோபர் 16 ஆம் திகதியும் நடைபெறும் என அறிவிக்கப்பட்டுள்ளது.
ஏனைய கல்லூரிகள் தொடர்பான தகவல்கள் விரைவில் பதிவேற்றப்படும்.
