மாணவர்கள் ஆசிரியர்கள் இருவரைத் தாக்கினர், ஆசிரியர்கள் நாளை பணிபகிஷ்கரிப்பு

கொழும்பு 12 பிரபல முஸ்லிம் பாடசாலை ஒன்றில் உயர் தர மாணவர்கள் சேர்ந்து ஆசிரியர்கள் இருவரைத் தாக்கிய சம்பவத்திற்கு உரிய நடவடிக்கை எடுக்கக் கோரி நாளை ஆசிரியர்கள் பணி பகிஷ்கரிப்பில் ஈடுபடவுள்ளதாக தெரிவவருகின்றது.

கொழும்பு 12  பகுதியில் இயங்கும் முஸ்லிம் பாடசாலையிலேயே இச்சம்பவம் பதிவாகியுள்ளது.

மாணவர்கள் இரு குழுக்களுக்கு இடையில் ஏற்பட்ட கைகலப்பு ஒன்றை தடுப்பதற்காக சென்ற ஆசிரியர்கள் இருவரை கைகலப்பில் ஈடுபட்ட மாணவர்கள் குழு வென்று சரமாரியாகத் தாக்கியுள்ளதாக ஆசிரியர்கள் தெரிவித்தனர்.

வன்முறையில் ஈடுபடுட்ட மாணவர்களுக்கு உரிய ஒழுக்காற்று நடவடிக்கை எடுக்க ஆசிரியர்கள் வலியுறுத்திய போதிலும் அவ்வாறு ஒழுக்காற்று நடவடிக்கை எடுக்கப்படுவதை சில சக்திகள் தடுத்து வருவதை ஆசிரியர்கள் கண்டித்துள்ளனர்.

எனவே, உரிய ஒழுக்காற்று நடவடிக்கை எடுக்க வலியுறுத்தியும் ஆசிரியர்களின் பாதுகாப்பை உறுதிப்படுத்துமாறும் வேண்டி ஆசிரியர்கள நாளை பணிப் பகிஷ்கரிப்பில் ஈடுபடவுள்ளதாக அறியவருகின்றது.