கொவிட் பரவல் காரணமாக நாட்டின் பாடசாலைகளுக்கு வழங்கப்பட்டுள்ள விடுமுறையானது மேலும் ஒருவார காலத்தக்கு நீடிக்கப்பட்டுள்ளது.
கல்வி அமைச்சர் பேராசிரியர் ஜீ.எல்.பீரிஸ் இதனைத் தெரிவித்துள்ளார்.
ஏற்கனவே ஒருவார காலம் பாடசாலைகள் மூடப்பட்டிருந்த நிலையில், சுகாதார நிலைமைகள் குறித்து மேற்கொள்ளப்பட்ட மீளாய்வின் அடிப்படையில், அடுத்தவாரம் 3 ஆம் திகதி முதல் 7 ஆம் திகதி வரையான காலப்பகுதியில் பாடசாலைகளை நடத்துவது உசிதமில்லை என்று தீர்மானிக்கப்பட்டுள்ளது.
அதேநேரம் எதிர்வரும் 10 ஆம் திகதி முதல் பாடசாலைகளை மீள ஆரம்பிப்பதா? இல்லையா? என்பது தொடர்பாக, எதிர்வரும் 7 ஆம் திகதி தீர்மானம் மேற்கொள்ளப்படும் என்றும் அமைச்சர் ஜீ.எல்.பீரிஸ் தெரிவித்தார்.
