இம்முறை க.பொ.த சாதாரண தரப் பரீட்சைக்கு தோற்றவுள்ள மாணவர்களுக்கான அனுமதி அட்டைகள் தபாலில் அனுப்பி வைக்கப்பட்டுள்ளதாக பரீட்சைத் திணைக்களம் அறிவித்துள்ளது.
கிடைக்கும் அனுமதி அட்டைகளில் மாற்றங்கள் செய்ய வேண்டுமெனில் நிகழ்நிலையில் மாத்திரம் மாற்றங்களை மேற்கொள்ள சந்தர்ப்பம் வழங்கப்பட்டுள்ளது.
ஒரு தடவை மாத்திரமே இந்த மாற்றங்களை மேற்கொள்ள முடியும் என்பதோடு பாடங்களில் திருத்தம், மொழி மூலத்தில் திருத்தம், பெயர் திருத்தம் என்பவற்றை மேற்கொள்ள அனுமதி வழங்கப்பட்டுள்ளதாக பரீட்சைகள் திணைக்களம் அறிவித்துள்ளது.
அத்தோடு, எதிர்வரும் 24 ஆம் திகதிக்கு முன்னர் அனுமதி அட்டைகள் கிடைக்கப்பெறாதவர்கள் தமது விபரங்களை பதிவுத் தபாலில் பரீட்சைகள் திணைக்களத்திற்கு அனுப்பி வைப்பதன் ஊடாக புதிய அனுமதி அட்டைகளைப் பெற்றுக் கொள்ள முடியும் என பரீட்சைத் திணைக்களம் வழிகாட்டியுள்ளது.
