ஆக்கச்சிந்தனை

ஆக்கச்சிந்தனை அல்லது ஆக்கத்திறன் எனும் பதமானது இருபத்தோராம் நூற்றாண்டிற்குரிய கல்விச் செயற்பாடுகளில் மிகமுக்கியமான இடத்தினை வகிக்கின்றது. புதியனவற்றை உருவாக்கும் உள்ளார்ந்த சக்தியாக மட்டுமல்லாது பிரயோக உளவியலின் பிரதான கூறுகளில் ஒன்றெனவும் ஆக்கச்சிந்தனையே கருதப்படுகிறது.

ஆக்கத்திறன் எனும் இவ்வெண்ணக்கருவானது கோல்டன் என்பவரின் ஆய்வுகளின் பின்னரேயே முக்கியத்துவம் பெறத் தொடங்கியது. மேலும் கில்பர்ட் என்பவர் ‘ஆக்கத்திறன் நுண்மதியுடன் தொடர்பனதாக இருப்பதுடன் அது நுண்மதியிலிருந்து தனித்தும் வேறுபட்டும் இருக்கக்கூடிய ஒரு திறன்’ என்றும் அறிமுகம் செய்தார்.

ஆக்கச்சிந்தனை தொடர்பான வரைவிலக்கணங்கள்

‘மனித அனுபவங்களின் நுண்ணறிவு துறையினூடாக புதுமை, புதுப்பெறுமானம் காணும் பங்களிப்புகளின் விளைவே ஆக்கத்திறன்.’ (வீஸ்னர்)

‘ஆக்கத்திறனானது அடையாளம் காணக்கூடிய இலக்கொன்றை அடைவதற்கு உதவும் வகையில் புதியதும் அரியதுமான படைப்பை உருவாக்கும் ஒரு செயற்பாடு’ (மக்கீனன்-1992)

‘தமக்கும் தம்மைச் சூழவுள்ள ஏனையோருக்கும் மகிழ்ச்சியடையக் கூடியவாறாக சிந்தனை, நெகிழ்த்தன்மை, உணர்வு பூர்வமான தன்மை, உள்ளார்ந்த ஆற்றலுடைமை ஆகிய பண்புகளின் சேர்க்ககையான கருத்துக்கள் சார்ந்த வகையில் பொதுவான சிந்தனைத் தொகுதியிலிருந்து உடைப்பெடுத்து பயன்மிக்கதாக மாறும் சிந்தனை தொகுதியொன்றினுள் நுழைதல் ‘ (-ஜோன்ஸ்-)

ஆக்கத்திறனின் தன்மைகளும் இயல்புகளும்

ஆக்கத்திறனால் புதுக்கருத்துக்கள், புதிய முறைகள், புதிய தீர்வுகள் போலவே புதிய பிரச்சனைகளும் தோன்ற வாய்ப்புண்டு. தவிர,ஆக்கத்திறனால் ஏற்படும் புதிய உருவாக்கங்கள் தாம் சேவையாற்றும் துறைக்கு மட்டுமல்லாமல் முழு கலாசாரத்திலும் புதுமைகளைக் காணவும் உதவுகிறது. எனினும் திடீரென உருவாகக்கூடிய ஒன்றென ஆக்கச்சிந்தனையை கருதுதலை விட நிரந்தடமாக உருவாகும் பல்வேறு நிலைமைகளின் உற்பத்தியாகவே ஆக்கச்சிந்தனையை கருத முடியும். அதாவது ஆக்கச்சிந்தனைக்கு முன்னறிவு மிக முக்கியமானதாகும். ஏற்கனவே இருக்கும் முன்னறிவு, கருத்துக்கள், தீர்வுகள் என்பன புது அறிவுகளாயும் கருத்துக்களாயும் ஆக்கச் சிந்தனையால் வளர்ச்சியடைகின்றன. இதற்கேற்ப ஆக்கச்சிந்தனையின் தன்மைகளென பின்வருவனவற்றை குறிப்பிட முடியும்.

அசல் தன்மை : ஆக்கப்பூர்வமான புதிய யோசனைகள், கருத்துக்கள் அல்லது இதற்கு முன் ஆராயப்படாத தீர்வுகள்.
மாறுபட்ட சிந்தனை : படைப்பாற்றல் என்பது வழக்கமான அல்லது எதிர்பார்க்கப்படும் பாதைகளில் இருந்து விலகி, பரந்த அளவிலான யோசனைகள், சாத்தியங்கள் மற்றும் மாற்றுகளை உருவாக்கும் திறனை உள்ளடக்கியது.
கற்பனை : ஒரு படைப்பாற்றலுடைய நபர் பெரும்பாலும் தெளிவான மற்றும் செயலில் உள்ள கற்பனையைக் கொண்டிருப்பார், சுருக்கக் கருத்துக்களைக் காட்சிப்படுத்தவும் கருத்தாக்கவும் அவர்களுக்கு தெரிந்திருக்கும்
நெகிழ்வுத்தன்மை : படைப்பாற்றலுக்கு சிந்தனை முறைகளை மாற்றியமைத்து சரிசெய்யும் திறன் தேவைப்படுகிறது, சவால்களை எதிர்கொள்ளும் போது புதுமையான அணுகுமுறைகளை அனுமதிக்கிறது.
திறந்த மனப்பான்மை : வெவ்வேறு கண்ணோட்டங்கள், யோசனைகள் மற்றும் அனுபவங்களை ஏற்றுக்கொள்வது படைப்பாற்றலை வளர்ப்பதற்கும் வழக்கத்திற்கு மாறான கண்ணோட்டங்களை ஆராய்வதற்கும் முக்கியமானது.
பேரார்வம் : ஒரு வலுவான உள் உந்துதல் மற்றும் அவர்களின் தேர்ந்தெடுக்கப்பட்ட படைப்பு நோக்கங்களுக்கான உற்சாகம் என்பன மேலதிகமாக ஆராயவும் புதுமைப்படுத்தவும் தனிநபர்களை ஊக்குவிக்கிறன.
ஆர்வம் : படைப்பாற்றல் மிக்க நபர்கள் புதிய தலைப்புகளை ஆராயவும், பல்வேறு துறைகளில் இருந்து கற்றுக்கொள்ளவும் மற்றும் தொடர்பில்லாத கருத்துக்களை இணைக்கவும் ஆழ்ந்த ஆர்வத்தையும் விருப்பத்தையும் வெளிப்படுத்துகின்றனர்.
விடாமுயற்சி : சவால்கள், பின்னடைவுகள் மற்றும் தடைகள் இருந்தபோதிலும் படைப்பாற்றல் மிக்க நபர்கள் தங்கள் கருத்துக்களைப் பின்பற்றுவதில் உறுதியையும் விடாமுயற்சியையும் காட்டுகிறார்கள்.
உள்ளுணர்வு : படைப்பாற்றல் என்பது வழக்கத்திற்கு மாறான இணைப்புகள் மற்றும் முடிவுகளை எடுக்க ஒருவரின் உள்ளுணர்வு மற்றும் உள்ளுணர்வுகளைத் தட்டுவதை உள்ளடக்கியது.
வழக்கத்திற்கு மாறான சிந்தனை : சிந்தனையாளர்கள் நெறிமுறைகளை சவாலுக்கு உட்படுத்துவது, அனுமானங்களை கேள்விக்குள்ளாக்குவது மற்றும் பாரம்பரிய சிந்தனை முறைகளிலிருந்து விலகிச் செல்வது.

சாதாரண மனிதன் அழகான பொருட்களை விரும்புகிறான் ஆக்கத்திறனுள்ள மனிதன் அழகை விரும்புகிறான் என கிரேக்க தத்துவஞானி பிளேட்டோ கூறுகிறார். அழகியலுணர்வு ஆக்கத்திறன்களையும் மனிதப் பண்புகளையும் ஆளுமையையும் வளர்ப்பதாக ரவீந்தரநாத் தாகூர் கூறுகிறார்.

பொதுவாகவே ஆக்கத்திறனுடையோரிடம் விசேடமாக பின்வரும் சில பண்புகளும் காணப்படக்கூடும்.

முருகியல் உணர்வு
பரந்த நோக்கு
எளிமைத்தன்மைகளை விட சிக்கலானவைகளை விரும்புதல்
சுதந்திரமாயிருத்தல்
உயர் தன்னம்பிக்கை இருத்தல்
ஆக்கபூர்வமான தன்மை உயர்மட்டத்திலிருத்தல்
தமது படைப்பாற்றலை பற்றிய உணர்வு இருத்தல்
துறைசார் நிபுணத்துவ செயற்பாடுகள்
மாற்றி யோசித்தல்
தனிமையை விரும்புதல்
அசாதாரண ஆர்வம்
அதீத தேடல்
தன்னைப் பற்றிய உயர்வான மதிப்பு
எளிதில் கவனத்தை சிதறடிக்காமை

ஆக்கத்திறனை விருத்தி செய்வதற்காக மாணவர்களிடையே விருத்தி செய்யப்பட வேண்டிய பண்புகள்

ஆதரவான சூழலை உருவாக்குதல்:

மாணவர்கள் விமர்சனத்திற்கு பயப்படாமல் தங்கள் கருத்துக்களை வெளிப்படுத்த வசதியாக இருக்கும் சூழ்நிலையை உருவாக்குதல்.
திறந்த விவாதங்களை ஊக்குவிக்கவும் மற்றும் பல்வேறு கண்ணோட்டங்களைக் கொண்டாடவும் வழிப்படுத்துதல்.

சுய முடிவெடுத்தலை வளர்த்தல்:

பணிகள், திட்டங்கள் மற்றும் தலைப்புகளில் மாணவர்களுக்குத் தேர்வுகளை வழங்கவும், அவர்களின் ஆர்வங்களைத் தொடரவும் அனுமதித்தல்.

கேள்வி கேட்பதை ஊக்குவித்தல்:

கேள்விகளைக் கேட்பது, நிச்சயமற்ற தன்மைகளை ஆராய்வது மற்றும் மாற்றுத் தீர்வுகளைத் தேடுவது ஆகியவற்றை ஊக்குவித்தல்.
உடனடி பாடத்திட்டத்திற்கு அப்பாற்பட்டாலும் ஆர்வத்தையும் விசாரணையையும் மதிப்பிடுதல்.

பிரதிபலிப்பதற்கான நேரத்தை அனுமதித்தல்:

மாணவர்கள் தங்கள் கற்றல் அனுபவங்கள் மற்றும் நுண்ணறிவுகளை பிரதிபலிக்க வாய்ப்புகளை வழங்குதல்.
அவர்களின் எண்ணங்களைச் செயல்படுத்த அவர்களுக்கு உதவ, சுயமதிப்பீட்டுச் செயல்பாடுகளைச் சேர்த்தல்

பாடங்களை ஒருங்கிணைக்கப் பழக்குதல்:

பாடங்களை ஒருங்கிணைத்து மாணவர்களை அனைத்து துறைகளிலும் சிந்திக்க ஊக்குவித்தல் மற்றும் தனித்துவமான இணைப்புகளை உருவாக்குதல்.

திறந்த நிலை பணிகளை வழங்குதல்:

பல தீர்வுகள் அல்லது விளக்கங்களைக் கொண்ட பணிகளை வழங்குதலானது மாணவர்கள் வெவ்வேறு அணுகுமுறைகளை ஆராய அனுமதிக்கிறது.

சவால்களுக்கு பழக்குதல்:

வயது மட்டத்திற்கு அமைவான சவால்களுக்கு முகங்கொடுக்க மாணவர்களை ஊக்குவித்தல்.
முடிவைப் பொருட்படுத்தாமல் அவர்களது முயற்சிகள் மற்றும் கற்றல் அனுபவங்களைக் கொண்டாடுதல்.

திட்ட அடிப்படையிலான கற்றலைச் சேர்த்தல்:

ஆக்கப்பூர்வமான சிக்கல் தீர்க்கும், ஆராய்ச்சி மற்றும் சுய-இயக்க கற்றல் தேவைப்படும் திட்டங்களை அறிமுகப்படுத்தல்.

பல்வேறு ஆதாரங்களை வழங்குதல்:

பல்வேறு கற்றல் பாணிகள் மற்றும் அணுகுமுறைகளை ஆதரிக்க பரந்த அளவிலான பொருட்கள், தொழில்நுட்பம் மற்றும் வளங்களை வழங்குதல்.

விருந்தினர், பேச்சாளர்கள் மற்றும் நிபுணர்களை அழைத்தல்:

தங்கள் அனுபவங்களைப் பகிர்ந்து கொள்ள பல்வேறு துறைகளைச் சேர்ந்த நிபுணர்களை அழைத்து அவர்களது அனுபவத்தை வழங்குதல்.

புலனுணர்ச்சியின் வழியாக தோற்றுவிக்கப்படும் உணர்வானது அழகியல் அனுபவங்களையும் ஆக்கத்திறனையும் பெற்று பிரதிபலிக்கும் பொழுதில் அதிகளவான திருப்தியுணர்வை மனிதனுக்குள் தோற்றுவிக்கிறது. இரசனையும் ஆக்கத்திறனுமே மானிட வாழ்வை பிரகாசிக்க செய்வதில் பெரும் பங்களிப்பை செய்கின்றன. எனவே இன்றைய உலக வாழ்வின் இயந்திரத்தனமான செயற்பாடுகளிலிருந்து சற்றே விடுபட்டு வாழ்வை சுவைபட வாழ்ந்து அனுபவிக்க ஆக்கத்திறன் பற்றிய அறிவும் செயற்பாடுகளும் இன்றியமையாதவையாகும்.

-எஸ். பிரமிளா