இன்று ஆரம்பமாகும் கல்விப் பொதுத் தராதர உயர் தரப் பரீட்சையின் பிரயோகப் பரீட்சைகளுக்கு செல்லமுடியாத நிலைமை காணப்படின் அதற்காக வேறொரு தினம் ஒதுக்கித் தருவதாக பரீட்சைத் திணைக்களம் அறிவித்துள்ளது.
இன்று அழகியல் பிரயோகப் பரீட்சை ஆரம்பமாகின்றது.
தற்போதைய சீரற்ற காலநிலை காரணமாக பரீட்சைக்கு தோற்ற முடியாத மாணவர்கள் 1911 என்ற பரீட்சைத் திணைக்களத்தின் தொலைபேசிக்கு அறியத்தருமாறு திணைக்களம் அறிவித்துள்ளது.
அவ்வாறு சிரமங்களை எதிர்நோக்கும் பரீட்சார்த்திகளுக்கு பிறிதொரு தினத்தை ஒதுக்கித் தருவதாகவும் திணைக்களம் அறிவித்துள்ளது.
